[閒聊] 其實…點解要讀 數學 …? | 香港 旺角 數學補習中心 | Beyond Math Education Centre 數學補習中心
阿sir，其實點解我地要讀數學咁辛苦，為左 DSE數學 日做夜做，唔通去買西瓜又度下個西瓜體積幾多咩…”
“你地俾心機努力埋呢半年啦， DSE之後唔使成日對住啲 數學 㗎啦”
“係咪真係以後都唔使對住呢d數㗎?”
“係呀………呀唔係wor，第日你地做左人呀媽都要教個仔數學 ”
“咁我一定要嫁俾個數學叻ge老公!”
呢排中六同學們都努力預備DSE數學考試，學下 DSE Maths Past Paper 入面要留意的技巧。有幾位黎 數學補習 的可愛小女孩做到攰時，都不禁思考下人生，覺得 DSE數學 要學咁多考咁多，啲內容其實都好似無咩用，其實究竟點解要讀數學呢?
係ge， 數學好多內容都未必可以係日常生活用得返，不過公平啲講， DSE中學文憑試唔止數學 一科係咁，其實讀化學有幾可平時可以做實驗，讀地理又唔通成日去郊外玩野外定向咩~~~~其實數學好有用㗎，如果無左數學、金融、工程等領域發展，甚至我地日常生活好多用緊的野都唔會存在。
當然，可能係學生階段會覺得將來無咩機會用到數學知識 ，都明白，不過B仔好想同各位家長同學生分享下，其實學數學訓練出黎的兩個原素，將來一定會有機會用到!
邏輯思維
(Logical Thinking)
.webp)
身處現今資訊發達的數位年代，其實好多書本內外知識，上網一搵就搵到。一有野唔識，無論係學校有無讀過果科，只要上網問下Google就咩都知道晒。不過無論Google演算法或者AI人工智慧幾勁都好，暫時仲未好有效做到的，就係人的邏輯思維。
人係理性同感性俱備的動物，人同人之間的溝通，理性的邏緝分析係十分重要。(當然感性部分都好重要，尤其是女孩子，不過呢個連霍金都解答唔到的問題，B仔就無資格多談了>.
先唔好講做IT的朋友寫code要好有Logic，先想像下，如果第日工作腦細有機會俾你係個大場合做presentation，如果個presentation東一舊西一舊，毫無邏緝可言，你腦細會有咩反應?又或者你叻仔有機會做生意做到腦細，去同投資者傾合作的時候，唔可以好有邏緝表達你的Idea，好多機會就會係你面前溜走。
當然未必個個都要做腦細或者打工王帝，不過即使係小小的一份工作，邏緝思圍亦都係好重要ge。 DSE數學 或者其他考試，都要用步驟去Prove返個答案，每一步同每一步中間都環環相扣，其實就係訓練緊個邏輯思維。
多角度思考
(Different Perspectives)
.webp)
近兩年有同學會覺得DSE數學MC 難左，因為比起以前用到數學考試神技同計算機Program的機會少左。 DSE Maths 或其他 數學考試 ，好多時要用唔同角度同方向去分析題目，其實就係要訓練多角度思考的能力。
用接收資訊為例，而家資訊散播多左同容易左好多，但相對地，資訊的真確性亦值得關注，好多流傳出黎ge訊息其實都未經証實，如果我地任何資訊都不經批判性的思考，照單全收，就會好容易被誤導。
多角度思考對將來工作亦都好重要，無論任何行業，假設將來我地要幫公司將產品或服務推出市場，如果咩都唔考慮就咁推出市場的話，一定會造成好大問題。相反，應該要從多角度做分析，市場的顧客喜好係點?競爭對手有咩策略?公司的預算有幾多?......如果有多角度思考同分析能力，無論做咩都可以考慮得更周全。
所以，讀好 數學 ，可以有好的邏輯思維同多角度分析兩樣武功，對將來一定有幫助!講開又講，近來預備 DSE考試 或其他要應付 數學考試 的學生都好忙，會有壓力，覺得前路好多野都唔確定，掌握唔到。不過人生就係咁，有多啲唔同野發生先會更加精采，只要堅定不而地繼續行，一定會行到一條岩自己ge路，大家加油呀!
不過人生仲有野係確定的:
「人生唯一可以確定的就是變化。」
