鍾意DIY嘅你千其唔好錯過！► S&W 麥哲倫DIY地球儀
而家又冇得去旅行，就算放長假留喺屋企都冇乜嘢好做，出街又人頭湧湧，想揾啲嘢Kill Time嘅話呢個地球儀真係一流！呢個地球儀係我個朋友送俾我嘅生日禮物，因為佢知道我好鍾意砌下圖整下手作仔咁。
收到呢個S&W 麥哲倫DIY地球儀嗰陣真係嘩一聲，因為佢成個都係木製，質感好好，未砌都已經想像到佢成品會好靚，仲好香木味添佢同普通地球儀唔同嘅地方就係佢係要自己砌同埋佢係有摩打可以自轉，唔使再自己手動慢慢轉到手都軟！
佢係有707個零件，每塊木塊都係雕刻得超靚，好易就拆到出嚟，同埋都算硬淨，唔會好易就「啪」爛。有咁多零件對於鍾意砌嘢嘅我嚟講簡直係天堂，我嗰日砌足全日，慢慢見到佢成型真係好有滿足感，佢仲有附上2塊沙紙俾我用嚟磨翻每塊木嘅邊，務求令個成品出嚟係最完美嘅！
砌好咗之後發現S&W 麥哲倫DIY地球儀係比我想像中更加精緻，因為原來佢係有世界十大名勝喺個底座度！個造工真係好靚，對於幾年冇去過旅行嘅我嚟講，唯有砌下地球儀，望梅止渴咁啦～另外砌好咗之後係會發現佢有一個迷你櫃桶仔，啱晒啲情侶收埋啲小飾物喺入面然後俾個驚喜對方
S&W 麥哲倫DIY地球儀 係有一隻船仔會自動圍住個地球儀自轉，佢係運用磁力效應，架船仔真係好迷你好得意～望住隻船仔同個地球儀喺度自己轉其實都幾減壓，我就放咗佢喺我間房，當我放工翻屋企好大壓力嗰陣，望住佢自轉好似真係會有幫助！
佢有另一個特別嘅地方就係佢會有好多個城市嘅標記窿，可以紀錄自己去過邊度旅行，雖然而家就未用到呢個功能住，但我肯定只要再次回復正常去得旅行嘅話，每個香港人都會好快就插滿早啲標記窿！
如果覺得要砌好呢個咁華麗嘅S&W 麥哲倫DIY地球儀係要用膠水同埋其他工具嘅話，你就錯啦！我砌晒成個地球儀都係冇用過任何膠水或者鐵釘㗎！真係好配服整呢個地球儀嘅公司，手工真係做得好精細，所以砌出嚟都同佢嘅封面圖冇任何分別～
呢個S&W 麥哲倫DIY地球儀 係老少咸宜，因為其實都幾啱家長們買翻去同啲小朋友一齊砌，佢有份好詳細但又好易明嘅說明書，所以係完全唔洗驚小朋友會唔識砌，仲可以訓練下小朋友嘅手眼協調，又可以作為一個好有趣嘅親子活動😆
♡ ♡S&W 麥哲倫DIY地球儀♡ ♡
