可以將廚餘變成可以即刻用嘅肥料！► Reencle 自動除臭除菌廚餘機
以前覺得垃圾徵費距離自己好遠，但而家政府事在必行咁，對於成日食淨野嘅我嚟講都擔心會唔會每個月都加重咗好多經濟開支😫 所以都開始揾定啲家用嘅廚餘機～同時我都係啲鍾意種下啲小盆栽嘅人，對園藝都幾有興趣，想揾一啲可以一舉兩得將啲廚餘變肥料嘅廚餘機，咁就可以同時減少埋買肥料嘅錢😆
做咗一輪資料搜集，我揾到呢部好特別嘅Reencle 自動除臭除菌廚餘機，佢同其他廚餘機唔同，佢係利用一種叫ReencleMicrobe™ 嘅微生物去消化一啲非骨頭類嘅廚餘，正因為呢個微生物嘅吞噬過程，令肥料比起其他廚餘機整出嚟嘅肥料更加有營養價值，普通廚餘機嘅廚餘整出嚟仲要發酵翻咁上下嘅時間先用得，但Reencle整出嚟係完全唔洗！啱晒我呢啲懶人啊！其實要真正用之前係要養啲ReencleMicrobe™ 嘅微生物一晚先得，佢係要用1.5L水，再放喺部廚餘機度，開一晚機，第二日就可以正式用得架啦！
我買之前都擔心廚餘機會唔會好臭，但見到Reencle 自動除臭除菌廚餘機個產品頁寫有3層除臭過濾系統，所以就信佢啦！so far用咗一個月，佢真係完全唔臭！因為可以㩒除臭功能嘅嗰粒制，咁就唔洗擔心整到個廚房臭亨亨啦如果啲廚餘係多水份嘅話，仲有一個除濕嘅制，一次過開晒除臭同除濕就萬無一失啦🙈
我試過有一次開大食會，淨翻好多野食，由於全部人都係用自己隻叉督落去啲野食度，留翻第二日食嘅話又覺得好似唔係咁衞生，所以又請咗個Reencle 自動除臭除菌廚餘機食了XD 因為佢係標明可以處理1.5磅嘅廚餘，所以我就毫不猶豫咁倒晒大食會嘅pizza、炸野、意粉、沙律落去，佢都完全冇問題，放咗佢一晚，第二日晏晝再睇下佢都消化得七七八八了，真係好勁唔係講笑！
同埋佢仲有一個對於屋企有小朋友或者寵物嘅人嚟講真係好有用嘅功能，因為其實部機入面係有攪拌棒同刀片先可以將啲大舊嘅野食整碎啲，等啲微生物更加容易去消化啲廚餘。而Reencle 自動除臭除菌廚餘機係個開蓋制同時可以lock住部機，只要長按開蓋制3秒，就可以lock實個蓋，就算個感應器sense到揮動動作都係唔會開到個蓋的！而且佢嘅運作過程係真係好靜，真係一啲噪音都冇，完全唔洗驚嚇親小朋友又或者寵物！
