[分享] 【 數學補習 兩三事】停課後返學一段時間了，考試迫近，學生適應嗎？ | Beyond Math Education Centre
【 數學補習 兩三事】停課後返學一段時間了，考試迫近，學生適應嗎？
停課半年，中學已全面復課一段時間，街上開始滿佈着校服的學生，B仔聽黎 數學補習 的學生分享，可以見到一段時間冇見的同學，可以面對面交流，雖然有口罩的阻隔，但其實都係開心的。B仔聽到唔少復課後的趣事，例如校服唔啱着、女同學頭髮突然變了「天然金色」、亦有男同學復課後的聲音低沉了，個子高了不少……不過總括而言，學生可以返學上堂，原來都唔係必然，大家之後一定要好好珍惜。
可以返學應該好開心，不過有人歡喜有人愁，點解？因為……就嚟要考試……近一個月B仔喺教室見到，無論預備 DSE數學補習 ，或是 中學數學補習 的學生，都好勤力做數學題目練習，因為冇辦法，唔想考試唔識。平心而論，學生過去半年在網上學習的進度每間學校都唔同，但不少 數學補習 的學生反映，其實好多上堂嘅嘢都唔係好明，功課都係盡力去做，其實唔係好識。復課後兩至三個禮拜就考大考，好多學生都驚預備唔切，雖然有啲學校推遲咗去七月先考試，不過以數學科為例，數學考試技巧未掌握，數學題型未熟習，學生考試信心自然減少， B仔同唔少家長同學生都了解過情況，大家可以留意下以下幾點，好好預備考試。
1）數學補習 前，先確定清楚考試範圍和難度
呢半年學生未必適應，其實學校老師都未必適應，知道學校老師已經好努力去幫學生明白課題，不過相信老師都明白，學生呢半年學習質素未必會好好。唔少學校都調整左考試範圍，有學校只考下學期嘅課題；有學校雖然考全年課題，但整體的難度會調整，尤其是下學期的課題不會太難；當然有些學校的難度和考試範圍會維持不變，時間有限，各位學生一定要清楚學校的考試範圍去預備。
2）明白年終計分準則，一定要交齊功課
交齊功課唔係學生本分咩？點解咁講？聽返 DSE數學補習 嘅同學分享，呢半年係屋企學習，雖然唔使返學，但其實每科都好多功課，仲多個返學嗰時，如果網上冇交，家長電話就有機會會響，收到學校老師電話，所以大部份同學都盡量認真去做交齊。而且，唔同學校嘅計分方法今年會有少少調整，多數年終考試嘅比重會少咗，平時分會多咗，平時分即係功課同埋小測嗰啲，所以同學一定要交齊功課，唔好蝕咗呢啲分。題外話B仔聽過唔少學校都有同學呢半年冇乜交功課，誇張嘅大大話話都有40至50樣，知道追番一定好辛苦，但一定要堅持！加油！
3）注意同學情緒和感受
B仔唔係情緒管理大師或者專家，不過觀察到唔少 中學數學補習 同學因為返學後突然覺得工作量大增，加上考試迫近，會有壓力，或者甚至情緒起伏較大。冇錯，學業同考試好重要，但學生都要注意自己嘅情緒，有壓力一定要同朋友分享或者屋企人講，冇嘢係解決唔到嘅。家長都要留意下，除咗鼓勵學生努力溫書之外，都要關心學生的壓力同感受，因為始終呢半年大家都經歷咗好多嘢，迎來唔同嘅轉變，學生一定會有唔同嘅諗法同感受。
共勉之！加油！
閲讀原文：https://www.beyondmathedu.com/students-handle-the-coming-exams
