B仔第一次寫日誌,想紀錄低同分享係教室見到的人和事,文筆唔好,大家唔好見怪~~~呢個月天氣好反常,上個星期成個禮拜都熱到好似個蒸爐咁,今個禮拜就日日都落雨,仲要落到大一大………

話說今日都係天陰同落雨,可能加埋呢排學校考試,B仔見到有同學黎到心情有D鬱悶,梗係即刻關心下佢做咩事la,原來岩岩係朗豪坊買左水果茶慶祝聽日考數學 (其實點解要慶祝?),諗住post下IG之際,突然慌一慌水果茶唔小心跌左落地….唔怪得咁SAD, B仔見到咁即刻沖返杯走果肉水果茶俾佢,點知小妮子原來係因為考試好大壓力所以悶悶不樂……

“點解你考試會咁大壓力呀?”

“因為我好想入到大學,入到想入ge科,同埋好多人對我有期望”

“放心啦,唔好咁灰,聽日一定有機會好天ga”

“你點知聽日會好天ga?”

“你有無溫書ga,probability(概率)呀,晴天,陰天,雨天,仲唔係有三分一機會係晴天?”

“……um……無咩事我都係繼續做數先啦……..”


對各位同學黎講, DSE真係可以話係人生第一個難關,自己訂的目標,加埋身邊其他人的期望,真係會有好大壓力,B仔都好明白,雖然B仔唔係出左世好耐,但係唔講你唔信,B仔已經經歷左人生好多個難關,學到ge係,每一個難關過程都真係唔容易,但正正係因為唔容易,無論結果係點,你都會成長左,強壯左,會變左一個比之前更進步更好的人,同埋就算晴天,陰天,雨天都好,你地條路都唔係自己一個行,起碼B仔會陪你地一齊行!

講開又講,每日都見阿sir幫同學入計數機program,操題目,教skills,肯學ge學生就一定有進步,其他科B仔唔知,但 DSE數學 相信只要方法岩,學好skills,一定可以達到你目標!!!!!!!!B仔幫大家加油!!!!!!!!!

閲讀原文:https://www.beyondmathedu.com/nice-weather