話說呢個暑假，升中六的同學都開始練習 DSE math past paper唔同題型，好好預備 DSE數學考試
有一日，有位好可愛的同學做緊percentage(百分率)果課……….
“唉，初中點解咁多女仔鐘意我，搞到我無咩心機讀書，呢課好多公式都唔記得”
“咁高中呢?點解會開始俾心機讀書，仲咁乖自己搵數學補習”
“D衰野唔好提啦，D女同學話初中我未發育，個樣好cute，而家個樣大個左太毒喎”
“唔係呀，阿sir覺得你而家幾可愛呀”
“唉，其實自己一個更開心……算啦，阿sir呢條past paper點做呀?”
“呢條講銀行借錢，要用復利息果條公式”
“話時話，銀行點解咁多錢可以借俾人，D錢點黎噶?”
“你真係想知?”
而家好多廣告都見到 “借錢梗要還，咪俾錢中介”。好多人因為信得過，都會問銀行融資借錢。銀行多錢就係人都知，但點解咁多人咁多公司問銀行借錢，銀行都可以借?銀行係咪真係咁多錢?當然，近年銀行體系同監管機構都嚴左，借錢無以前咁容易，不過畢竟借錢出去都係銀行其中一個最重要的生意(每日都收咁多cold call就知)。所以B仔都想同大家講下銀行借錢出去的奧妙地方。
戴定頭盔先，B仔唔係金融才俊，唔係専家，只係 數學補習 界的一個小伙子，以下講的野都係簡單理論，志在啟發下各位學生，等大家對學習有興趣，如果大家想學深入D，就俾D心機考入大學啦!
首先，其實我地存入銀行的錢，戶口顯示幾多錢，我地實際就有幾多錢。但係咁唔代表D錢放左係銀行真係無郁到。其實銀行只要keep一成的錢係度就夠，絕大部分人放左錢係銀行，唔會全部攞晒出黎用，根據咁多年的經驗，客人多數都係攞其中一小部分的錢出黎做流動資金，換句話講，銀行只要放客人存入黎總共的錢的一成俾客人提取就夠了。
咁剩返九成銀行會攞D錢去點用?
um……呢個就係高潮所在。係合符規管的情況下，銀行可以攞錢去再投資，發展其他業務，又或者….借出去，等客人還錢時可以賺利息。咁借黎借去，還黎還去，係銀行體系顯示有咁多錢，實際係咪真係有咁多錢?
答案：………唔係!
舉個例(用返DSE香城人名等大家親切D…….)
香城有多間銀行，其中三間分別係“Bank A”，”Bank B”，同埋”Bank C”。
有一日，家寶存入左$10000入”Bank A”，跟住一心諗住買iFad，所以問”Bank A”借錢，因為銀行可以借到本身有的錢的九成出去，所以一心就借到$9000，一心就將呢$9000存入iFad生產商Orange的”Bank B”戶口。而家”Bank B”有$9000。
之後允行打機想課金，佢問”Bank B”借到$8100,再存入香城遊戲商的”Bank C”戶口。
去到呢度，本身得$10000，但而家銀行體系入面變左有$21700 ($10000+$9000+$8100)。
故事仲可以發展落去，真正銀行世界仲更加複雜好多，呢D就真係要留返問下D金融才俊啦！
“阿sir，咁其實有好多財技可以玩喔。”
“岩呀，不過，首先你要有錢”
“um…….咁呀…..我都係繼續 做數 先啦….”
最後奉勸大家:
“數學梗要做，咪諗住偷懶”
