呢排成日落雨都會想揾對又靚又實用嘅雨靴,尋尋覓覓終於俾我揾到一對台灣牌子 CCILU 出品嘅雨靴,因為有一日睇Facebook Ad見到呢對幾靚嘅 XpreSole® Panto 全天候防水咖啡靴,而且佢最特別嘅係由咖啡渣整成,所以有除臭功能。對我嚟講除臭功能真係好緊要,因為之前試過著坊間嘅雨靴翻 office,對腳臭到呢,因為勁唔透氣所以焗到臭腳,搞到我好尷尬😣

跟住就開始睇多啲關於呢個牌子嘅出品,發現佢地所有鞋都好有功能性,而且都係由唔同嘅廢物回收整成,我本身都係幾注重環保嘅人,所以都即刻對呢個牌子好有好感,覺得佢係一個好有企業責任嘅公司!


好啦,講翻對 XpreSole® Panto 全天候防水咖啡靴 嘅用後感先,首先佢係真係唔會焗臭腳!我呢幾個月差唔多日日都著佢翻工,因為唔知幾時又會落大雨😮‍💨就算我腳汗咁大都完全一啲臭味都冇,反而平時著波鞋著足一日就點都會有啲異味而且係感覺到對靴係超透氣,就算係高筒靴都唔會好焗或者刮腳嗰啲,佢係好舒服,可能佢鞋頭都算闊,所以就算我腳型本身闊都著得好舒服! 仲有佢超輕!所以都係其中一個舒服嘅原因。

然後佢真係 100%防水防污,因為前排落超大雨嗰陣著住佢踩落水氹度都完全冇事,對襪都冇濕過!望到 office 個個都晾緊自己啲襪同鞋,得我一個唔洗換襪仲可以繼續著住對靴!就算落幾大雨我都唔洗再驚要帶定拖鞋同後備襪~仲有佢嘅防跣鞋帶真係做得好好,就算我喺啲好跣嘅地下行都冇有怕!

我仲好鍾意XpreSole® Panto 全天候防水咖啡靴個款係完全冇雨靴嗰種笨重感,反而好似一對普通出街靴,我買嗰對係米白色,超級文青,可以著佢去啲文青Cafe打卡,但其實佢仲有幾隻顏色,我全部都覺得好靚,掙扎咗好耐先揀翻米白色。本身其實有啲驚會好易污糟,但因為佢防污嘅特點,我著咗幾個月都好似新買翻嚟咁新淨

買佢嗰陣仲留意到可以機洗呢個特點,所以我都好有實驗精神咁掉佢入洗衣機,結果真係冇令我失望!佢洗完出嚟完全冇變型,仲係好新。平時啲鞋著得耐想洗下對鞋都係用手洗,好麻煩,但呢對絕對冇問題喔~~

想入手嘅姊妹們,呢對雨靴仲有男裝架!可以買埋俾男朋友一齊著,一齊做對文青情侶👫🏻