自從上次買完Goofoo Cube 輕巧入門級3D打印機 之後就對3D打印機好有興趣，想試下唔同牌子整出嚟嘅效果，因為有時想整啲小禮物俾朋友做生日禮物，有心思啲，所以見到啲細細部嘅3D打印機都好想入手！近排上網見到呢部又細部又平平地嘅3D打印機就決定入手啦！😆
首先收到佢嘅時候真係覺得啱晒我，因為我係最怕嗰啲好多零件要自己砌嘅電器，而呢部KOKONI AI建模3D打印機係唔需要組裝又或者好複雜嘅操作，一打開個包裝就可以即刻用得，超方便！同埋佢細部之餘都算輕，只係3KG，有時我想拎去朋友屋企玩下都好方便😍用之前download埋個專屬app就可以即刻試用！
我試咗佢個智能AI算法，我試過用個app upload我張相上去，KOKONI就會即刻將我個樣自動生成模型咁嘅樣，真係好神奇，print咗出嚟都覺得唔錯，幾得意以後行街見到啲咩得意野我就可以影低佢，再翻屋企 print 佢出嚟真係諗起都興奮！
呢部機仲有樣野係好方便，就係佢唔洗插住部電腦，佢可以全部功能都可以由電話個app控制，只需連接wi-fi，再揀相就搞掂，print得！如果冇idea想print啲咩，個app裡面都有一個免費模型庫，裡面點都會有心水嘅模型想print出嚟，選擇困難症嘅我真係喺入面睇咗大半日。如果有小朋友嘅話，仲可以俾小朋友喺app入面揀啲得意嘅模型print出嚟，佢地一定會好開心，近幾年成日講嘅STEM 教育，呢部 KOKONI AI建模3D打印機 絕對可以引起佢地對科技嘅興趣。😆
而且呢部KOKONI AI建模3D打印機 其實就咁擺喺工作枱上面都幾靚，的的骰骰咁，又唔阻埞，突然心血來潮嘅時候即刻 print 個模型出嚟又得！同埋佢比起其他大型3D printer其實都唔算嘈，就算喺 office print 出嚟都唔會嘈親人！
♡♡KOKONI AI建模3D打印機♡♡
購買連結: https://searchingc.com/collections/kokonihk/
